嚟到第三篇,會介紹下另外兩個智能家居設備平台
1. Tuya (塗鴉)
2. eWeLink (易微聯)
Tuya - 塗鴉都有各式各樣嘅智能設備、感應器、插座等等。
同樣,如果係用藍牙/Zigbee技術嘅設備,都要買個Tuya網關。
由於我已經唔想只係為咗三幾個設備而再買多個網關,
我只係用WiFi嘅設備,英規插座同埋排插。
可以令一D唔智能嘅電器變成智能😆
係手機裝tuya或者smart life app,跟返指示做就配對到。
當然啦,如果你感應器都係用Tuya,App入面一樣有自動化,
可以做到同上一篇小米米家一樣嘅效果。
eWeLink - 易微聯感覺上有更多唔同設備,而且Support好多唔同平台,
Google Assistant、Amazon Alexa、AliGenie(天猫精灵)、DuerOS、小米米家、IFTTT
易微聯我暫時只係用牆壁開關,但係app裡面都見到其實各種各樣設備/電器都有。
牆壁開關同小米綠米一樣,有分零火同單火版,
但都有部份有通用版,購買時睇清楚少少唔好買錯😫
其實會用佢,主要就係因為佢用WiFi反應夠快,同埋比夠多款式,
靚過綠米好多🤩(玻璃面唔易刮花,輕觸式開關)
都係果句: 唔識唔好自己亂咁搞,最好搵返有牌電工師傳裝啦。
實物圖:
PS: WiFi單火版如果用係細火數嘅燈,有可能關左,盞燈都會暗暗地咁閃,
要係盞燈個接線位加粒電容先解決到。通常單火版都已經會包埋粒電容,
如果唔肯定就最好問清楚有無電容先好買。
eWeLink個app一樣,做到情境/自動化,所以都係睇自己情況,
加埋感應器就可以做到特定環境/情況 開關電器/燈。
呢度我專登拍咗條片俾大家比較下綠米D1同eWeLink開關嘅反應速度:
好啦,大家可能會問,好似我咁樣樣都有,咁點串連埋一齊做場景呀?
eWeLink又得d開關,Tuya又得d電器,個app又唔會睇到米家d設備。
下一篇就會介紹D比較複雜嘅野,去將幾個平台整合埋一齊,
咁就可以做到小米個人體感應器check到有人移動,
米家光照感應器感光度低,就開eWeLink個燈制。
呢樣野就叫做Homebridge - 簡稱HB。